Kim Çen Inın bacısı Cənubi Koreyanın "nüvə sazişini" rədd edib

Şimali Koreya lideri Kim Çen Inın bacısı Kim Yo-jonq Pxenyanın heç vaxt Cənubi Koreyanın nüvəsizləşdirmə müqabilində iqtisadiyyatını yaxşılaşdırmaq üçün “cəsarətli planını” qəbul etməyəcəyini deyib.

SİA-nın rus saytlarından əldə etdiyi məlumata görə, bu barədə xəbəri “Renxap” yayıb.

“Gələcəkdə hansı həyasız fikirlərlə qapını döyəcəklərini bilmirəm, amma mən açıq şəkildə bildirirəm ki, biz onlarla heç vaxt məşğul olmayacağıq” -deyən Kim Yo-jonq Koreya İşçi Partiyası Mərkəzi Komitəsinin şöbə müdirinin müavini Cənubi Koreya prezidenti Yun Seok-yeolun təşəbbüsünü “axmaqlığın zirvəsi” adlandırıb.

Xatırladaq ki, Cənubi Koreya prezidenti KXDR-in nüvəsizləşdirilməsi üçün addımlar atacağı təqdirdə Seulun iqtisadiyyatını mərhələli şəkildə yaxşılaşdırmaq üçün “cəsarətli planını” həyata keçirəcəyinə dair seçki vədini təsdiqləyib.

Qeyd edək ki, bir müddət bundan əvvəl Pxenyan BMT-nin baş katibi Antonio Quterreşi KXDR-in nüvəsizləşdirilməsi ilə bağlı bəyanatlarına görə tənqid edib.

Bu arada Şimali Koreya lideri Kim Çen In isə Şimali Koreyanın istənilən an "nüvə qarşısının alınması qüvvələrini" səfərbər etməyə hazır olduğunu bildirib.

Ağasəf Babayev

Bütün xəbərlər Facebook səhifəmizdə

loading...