Sincarda kütləvi məzarlıq aşkarlanıb

İraqın Sincar bölgəsində terror təşkilatı DEAŞ üzvləri tərəfindən öldürülən 47 nəfərin cəsədinin olduğu yeni kütləvi məzarlıqlar aşkarlanıb.
İraq Kürd Regional Rəhbərliyinin Soyqırım Cinayətləri Araşdırma Komitəsinin üzvü Neçirvan Süleyman Sincar yaxınlığındakı Kani kəndi yaxınlığında 6 kütləvi məzarlığın olduğunu bildirib.

SİA-nın əldə etdiyi məlumata görə, açılan kütləvi məzarlıqlarda DEAŞ-ın öldürdüyü ümumilikdə 47 cəsədin tapıldığı bildirilib.

Xatırladaq ki, 2015-ci il avqustun 3-də Mosulun Sincar bölgəsinə hücum edən DEAŞ üzvü terrorçular çox sayda dinc sakini qətlə yetiriblər. İndiyədək bölgədə 100-dən çox kütləvi məzarlıqdan yalnız 30-u aşkarlanıb.

Bütün xəbərlər Facebook səhifəmizdə

loading...