İsveçin Baş naziri Maqdalena Andersson NATO-ya üzvlüklə bağlı Türkiyənin narahatlığını aradan qaldırmaq üçün Finlandiyanın da iştirakı ilə imzalanan “üçlü memorandum”un şərtlərinə əməl edəcəklərini bildirib.
SİA-nın əldə etdiyi məlumata görə, Maqdalena Andersson İsveçin paytaxtı Stokholmda Almaniya kansleri Olaf Şolzla görüşdən sonra mətbuat konfransı keçirib.
M.Andersson iyunun 28-də İspaniyanın paytaxtı Madriddə NATO-ya üzv olmaq üçün müraciət etmiş Finlandiya və İsveç ilə Türkiyə arasında keçirilən NATO Zirvəsinə toxunaraq deyib:
"Biz Türkiyənin narahatlığını aradan qaldırmaq üçün Madriddə keçirilən NATO sammitində imzalanan üçlü memorandumun şərtlərinə əməl edəcəyik. Beynəlxalq hüquq çərçivəsində Türkiyəyə ekstradisiya (terrorçular) davam etdiriləcək".
Almaniya kansleri Şolz da İsveç və Finlandiyanın NATO-ya üzvlüyünü 23 ölkənin təsdiqlədiyini və Türkiyənin də tezliklə bunu təsdiq edəcəyinə ümid etdiyini qeyd edib.
Bütün xəbərlər Facebook səhifəmizdə
USD
EUR
GBP
RUB