Pakistanda neft tankeri ilə sərnişin avtobusu toqquşub

Pakistanın Bəhavalpur şəhəri yaxınlığında sərnişin avtobusunun neft tankeri ilə toqquşması nəticəsində azı 20 nəfər ölüb, 6 nəfər yaralanıb. SİA-nın xarici mətbuata istinadən verdiyi məlumata görə, Pakistanın Bahavalpur şəhəri yaxınlığında M-5 şossesində sərnişin avtobusu neft tankeri ilə toqquşub. Toqquşmadan sonra hər iki avtomobil yanıb, yanğınsöndürən və tibb briqadası hadisə yerinə göndərilib.

Qəza nəticəsində azı 20 nəfərin öldüyü, 6 nəfərin yaralandığı açıqlanıb. Bildirilib ki, qəza avtobusun həddindən artıq sürətlə hərəkət etməsi, idarəetmədən çıxaraq neft tankeri ilə toqquşması nəticəsində baş verib. Lahordan yola düşən avtobusun hədəfinin Karaçi olduğu öyrənilib.

Müəllif: Abutel İlhamqızı

Bütün xəbərlər Facebook səhifəmizdə

loading...