“Kremlin Ukraynaya təcavüzündən sonra Rusiya və İran strateji tərəfdaşlıqlarını genişləndirib”.
SİA-nın əldə etdiyi məlumata görə, bu barədə ABŞ-ın Müharibə Tədqiqatları İnstitutunun məlumatında bildirilib.
Qeyd olunub ki, son aylarda yüksək rütbəli Rusiya və İran rəsmiləri əməkdaşlığı gücləndirmək və iqtisadi və hərbi sazişlər imzalamaq üçün tez-tez görüşüblər: “Moskva və Tehran maraqları üst-üstə düşəndə, xüsusən də Yaxın Şərqdə ABŞ-a qarşı mübarizədə uzun müddətdir əməkdaşlıq edir. Lakin onların son davranışları xüsusi vurğulanmalıdır. Prezidentlər Vladimir Putin və İbrahim Rəisi savaş başlayandan bəri ən azı 4 dəfə danışıblar”.
Bildirilib ki, Putin Tehrana 2022-ci ilin iyulunda səfər edib və bu, onun müharibə başlayandan bəri keçmiş Sovet İttifaqı ərazisindən kənara ilk xarici səfəri olub: “Bu tərəfdaşlıq ABŞ və onun müttəfiqlərinin maraqlarına ziddir. Ölkələrin ikitərəfli ticarətin artırılması, ticarət və qeyri-dollar valyutalarının istifadəsi istiqamətində gördüyü işlər də xüsusi vurğulanmalıdır. İran Rusiyanın Ukraynaya hücumunu dəstəkləmək üçün silah tədarük edir və ola bilsin ki, kiberhücumlar həyata keçirir. İran Ukraynada istifadə üçün Rusiyaya Şahed-129 və Şahed-191 kimi ən qabaqcıl PUA-larını verməyə razılıq verib”.
Bütün xəbərlər Facebook səhifəmizdə
USD
EUR
GBP
RUB