Ostin NATO-nun Rusiyanı təhdid etmədiyini deyir…

...Bu arada Pentaqonun rəhbəri Lloyd Ostin NATO-nun Rusiya ilə qarşıdurma axtarmadığını və onun üçün təhlükə olmadığını deyib.

SİA-nın rus saytlarından əldə etdiyi məlumata görə, o, Latviyanın müdafiə naziri Artis Pabrikslə keçirdiyi mətbuat konfransında deyib: “Yenilənmiş mövcudluğumuz yalnız NATO-nun bir müttəfiqinə hücumun hər bir NATO müttəfiqinə hücum olduğunu bildirən alyansın nizamnaməsinin 5-ci maddəsinə davam edən ciddi öhdəliyimizi əks etdirir”.

Məhz bu mənada Ostin “NATO xarici müdafiəni gücləndirir və alyansın şərq hissəsində döyüş hissələrinin sayını artırır” sözlərini şərh edib.

O bildirib ki, ABŞ həm də alyansın şərq cinahında iştirakını artırır. Bundan əlavə, Pentaqon rəhbəri, bəzi tərəfdaşları kimi, ABŞ-ın Ukraynaya “lazım olduqda” hərbi yardım göstərəcəyini də açıqlayıb.

Xatırladaq ki, ötən gün ABŞ prezidenti Cozef Bayden Vaşinqtonun Finlandiya və İsveçin NATO-ya daxil olmasını təsdiq edən sənədləri imzalayıb.

“Ruslar NATO-nun Finlandiyaya çevrildiyini görmək istədilər və bunun əvəzinə Finlandiyada NATO-ya sahib oldular...”- deyən Bayden Rusiyanın hələ də NATO-nun zəifləməsinə ümid etdiyini bildirib.

Ağasəf Babayev

Bütün xəbərlər Facebook səhifəmizdə

loading...