Tayvan sahillərində Çinin dünən (7 avqust 2022) yerli vaxtla saat 17:00-dan etibarən başlatdığı hərbi təlimlərin 4-cü günündə 66 döyüş təyyarəsi və 14 gəminin görüldüyü bildirilib. SİA bu barədə Türkiyə saytlarına istinad edir.
Tayvan Müdafiə Nazirliyi ABŞ Nümayəndələr Palatasının sədri Nensi Pelosinin keçən həftə Tayvana etdiyi səfərin ardından yerli vaxtla saat 17:00-dan (GMT 12.00-a) sonra başlayan hərbi təlimlərin 4-cü günündə, 66 döyüş təyyarəsi və 14 gəminin adanın ətrafında görüldüyünü açıqlayıb.
Nazirlikdən verilən açıqlamada Çinin hava və dəniz vasitələrinin elektron izləmə vasitələri, patrul təyyarələri, gəmilər və raket sistemləri ilə izləndiyi bildirilib.
Açıqlamada təyyarələrdən 22-nin Tayvan boğazında tərəflərin təsir zonalarını məhdudlaşdırdığı hesab edilən hava və dəniz xəttinin şərqində və Tayvanın Hava Hücumundan Müdafiəsi Bölgəsinin cənub-qərb hissəsində uçduğu qeyd edilib.
Çinin son 4 gündə həyata keçirdiyi təlimlər suverenlik münaqişəsi ilə qarşı-qarşıya olan adanın ətrafında faktiki blokada yaratmışdı. 6 bölgədə həyata keçirilən təlimlər səbəbiylə bəzi bölgələr gəmi və təyyarələrin hərəkətinə bağlanarkən, Boğazda təhlükəsizlik səbəbiylə səfərlərin dayandırıldığı bildirilib.
Qeyd edək ki, Pelosinin və onunla birlikdə keçən həftə 5 nəfərlik konqres heyətinin səfəri adanı öz ərazisi kimi görən Pekinin reaksiyasına səbəb olub.
Pelosinin təyyarəsi Tayvana endikdən dərhal sonra Çin Xarici İşlər Nazirliyi səfəri pislədiyini, Müdafiə Nazirliyi isə ada ətrafında “bir sıra hərbi təlimlər” keçirəcəyini açıqlayıb.
Pelosi 25 ildə adaya səfər edən ABŞ Nümayəndələr Palatasının ilk sədri oldu.
1997-ci ilin əvvəlində Nyut Qinqriç bu missiyada olarkən Tayvana səfər etmişdi.
Bütün xəbərlər Facebook səhifəmizdə
USD
EUR
GBP
RUB
