Çin ordusu ABŞ Nümayəndələr Palatasının sədri Nensi Pelosinin Tayvana səfərindən sonra Tayvan boğazında raket təliminə başlayıb.
SİA-nın əldə etdiyi məlumata görə, bu barədə Çin Xalq Azadlıq Ordusunun (PLA) Şərq Cəbhəsi Komandanlığı məlumat yayıb.
"Tayvan boğazının şərqindəki bəzi ərazilərə adi raketlər atılıb və hədəflər uğurla vurulub", - məlumatda deyilir.
Qeyd edək ki, Çin Xalq Cümhuriyyəti Müdafiə Nazirliyi Pelosinin təyyarəsinin Tayvana çatdıqdan sonra ada ətrafında "bir sıra hərbi təlimlər" keçirəcəyini açıqlamışdı.
Məlumat verilmişdi ki, adanın şimal, cənub-qərb və cənub-şərqində dəniz və hava ünsürlərinin iştirakı ilə birgə təlimlər, şərqdə raket sınaqları və Tayvan boğazında uzaqmənzilli artilleriya təlimləri keçiriləcək.
Avqustun 7-dək davam edəcəyi gözlənilən təlimlər Çinin suverenlik münaqişəsində olduğu adanın ətrafında faktiki blokada yaradıb.
Altı bölgədə həyata keçirilən təlimlərə görə bəzi bölgələr gəmi və təyyarələrin hərəkətinə bağlandıqda, boğaz keçidində təhlükəsizlik baxımından uçuşların dayandırıldığı bildirilir.
Digər tərəfdən, Tayvan Müdafiə Nazirliyi, dünən axşam ( 3 avqust 2022) Pelosi getdikdən sonra Çin ordusuna məxsus pilotsuz təyyarənin Tayvanın Kinmen adasının (Quemoy) hava məkanından uçduğunu bildirib.
1950-ci illərdən bəri heç bir Çin təyyarəsi Kinmen hava məkanında uçmayıb.
Pelosi və beş nəfərlik Konqresin nümayəndə heyətini daşıyan təyyarə ötən gecə Tayvana çatmışdı.
İki həftədir haqqında spekulyasiya edilən və ABŞ ilə Çin arasında gərginliyə səbəb olan səfər Pekinin reaksiyasına səbəb olub.
Çin Xarici İşlər Nazirliyi Pelosinin təyyarəsinin Tayvana enməsindən dərhal sonra verdiyi açıqlamada səfəri pislədiyini, Müdafiə Nazirliyi isə adanın ətrafında "bir sıra hərbi təlimlər" keçirəcəyini açıqladı.
Tayvanı öz ərazisinin bir hissəsi hesab edən Pekin bu səfəri “öz suverenliyinin və ərazi bütövlüyünün pozulması” kimi qiymətləndirdiyi və kəskin əks tədbirlər görəcəyi barədə xəbərdarlıq edib.
Bütün xəbərlər Facebook səhifəmizdə
USD
EUR
GBP
RUB