İraqdakı Sədr Hərəkatının lideri Müqtəda əs-Sədr parlamentin buraxılmasını və növbədənkənar seçkilərin keçirilməsini tələb edib. SİA bu barədə Türkiyə saytlarına istinad edir.
Müqtəda əs-Sədr televiziyada etdiyi çıxışında paytaxt Bağdadda hökumət binalarının yerləşdiyi Yaşıl Zonadakı tərəfdarlarını tələbləri yerinə yetirilənə qədər oturaq aksiyaları davam etdirməyə çağırıb.
Şiə dini və siyasi lider Sədr parlamentin buraxılmasını və növbədənkənar seçkilərin keçirilməsini tələb edərək, dialoq və razılıq üçün qapıları İranın dəstəklədiyi şiə siyasi rəqiblərinin üzünə bağlayıb.
Sabiq baş nazirlərdən Nuri əl-Malikinin də onu öldürmək istədiyini iddia edən Sədr "Əgər korrupsiyaya son qoymaq istəyirsinizsə, mənim varlğımdan istifadə edin. Ey İraq xalqı, əgər dəyişiklik istəyirsinizsə, mən sizi gözləyəcəm" deyib.
Qeyd edək ki, oktyabrda İraqda keçirilən seçkilərdə qalib gələn Müqtəda əs-Sədr iranpərəst partiyalarla hökumət qurmaqdan imtina edib və daha sonra siyasətdən çəkildiyini bəyan edib. Sədrdən sonra hökuməti qurmaq vəzifəsi onun rəqibi Koordinasiya Çərçivəsinə tapşırılıb.
Koordinasiya Çərçivəsi iyulun 25-də keçmiş əmək və sosial məsələlər naziri Məhəmməd Şia Sudanini Baş nazirliyə namizəd kimi seçdiyini elan edib.
Sədr tərəfdarları İrana yaxın şiə siyasi çətir təşkilatı Koordinasiya Çərçivəsinin baş nazir namizədi Sudaniyə etiraz etmək üçün şənbə günü Yaşıl Zonaya daxil olaraq parlament binasına hücum edərək orada oturaq aksiyaya başlayıblar.
Bütün xəbərlər Facebook səhifəmizdə
USD
EUR
GBP
RUB