Norveç və Fransa taxılla yüklənmiş ilk ticarət gəmisinin Ukraynanın Odessa limanından yola düşməsində mühüm rol oynadıqları üçün Birləşmiş Millətlər Təşkilatına (BMT) və Türkiyəyə təşəkkür ediblər. SİA bu barədə Türkiyə saytlarına istinad edir.
Norveç Xarici İşlər Nazirliyi "Twitter" hesabında bildirib ki, dünən (1 avqust 2022) Ukraynandan yola düşən taxıl yüklənmiş gəmi qlobal ərzaq təhlükəsizliyinin azaldılması istiqamətində mühüm ilk addımdır.
Açıqlamada Birləşmiş Millətlər Təşkilatı (BMT) və Türkiyəyə nəqliyyatın asanlaşdırılmasında mühüm rol oynadıqları üçün təşəkkür edilib.
İstanbulda taxıl müqaviləsinin davamlılığının vacib olacağı qeyd edilərək, Ukraynanın etibarlı tərəfdaş olduğu bildirilib.
Fransa Xarici İşlər Nazirliyindən verilən açıqlamada da taxıl yüklənmiş ilk gəminin yola düşməsinin Ukraynadan taxıl və ərzaq məhsullarının təhlükəsiz ixracını təmin edəcək razılaşmanın həyata keçirilməsi üçün mühüm addım olduğu bildirilib.
Açıqlamada BMT-nin himayəsi ilə bağlanan müqavilənin zaman ərzində davam etdirilməsinin vacibliyi vurğulanıb.
Açıqlamada "Bu kontekstdə Fransa Birləşmiş Millətlər Təşkilatı və Türkiyənin səfərbər olmasını alqışlayır” ifadəsi yer alıb.
Qeyd edək ki, Türkiyənin Milli Müdafiə Nazirliyi taxılla yüklənmiş ilk gəminin dünən səhər saatlarında (1 avqust 2022) Odessa limanından yola düşdüyünü açıqlayıb.
Açıqlamada taxıl daşınması müqaviləsi çərçivəsində Odessa limanından yola düşən ilk qarğıdalı yüklənmiş gəminin bu gün (2 avqust 2022) İstanbulda olacağı, "Razoni" adlı gəminin Livanın Tripoli limanına gedəcəyi qeyd olunub.
Bütün xəbərlər Facebook səhifəmizdə
USD
EUR
GBP
RUB