Rusiyanın Qara dənizdəki donanmasına məxsus iki hərbi gəmi Əlcəzair limanına yanaşıb. SİA xarici mənbədən əldə etdiyi məlumata istinadən xəbər verir ki, Əlcəzair Müdafiə Nazirliyindən bu barədə məlumat yayılıb. Bildirilib ki “Rusiya hərbi dəniz qüvvələrinin Qara dəniz donanmasının döyüş gəmiləri hidroqrafik (KILDIN) və neft tanker gəmisi (vice-admiral PAROMOV) Əlcəzair limanına yanaşıb. Sözügedən gəmilər iki gün limanda qalacaqlar. Bununla iki ölkə orduları arasında birgə koordinasiyanı gücləndirmək, ikitərəfli hərbi əməkdaşlığı irəli pillələrə qaldırmaq və donanmalar arasında təcrübə mübadiləsi aparmaq məqsəd götürülüb”.
Yada salaq ki, Rusiya və Əlcəzair hərbi gəmiləri noyabr ayında Aralıq dənizi sularında birgə dəniz təlimləri keçirdi.
Qeyd edək ki, Əlcəzair Rusiyanın Afrika qitəsindəki ən mühüm hərbi müttəfiqlərindən, o cümlədən regionda Rusiya silahlarını ən çox satın alan ölkələrdən biridir.
Bütün xəbərlər Facebook səhifəmizdə
USD
EUR
GBP
RUB