Türkiyənin Kırklareli vilayətində 123 qanunsuz miqrant saxlanılıb.
SİA AZƏRTAC-a istinadən xəbər verir ki, Türkiyənin təhlükəsizlik qüvvələrinə şəhərdə qanunsuz yollarla ölkəyə daxil olan bir qrup əcnəbinin yaşaması ilə bağlı məlumat verilib. Faktla bağlı aparılan araşdırma nəticəsində saxlanılan miqrantların Pakistan, Əfqanıstan və Suriya vətəndaşları olduqları müəyyən edilib.
Bununla yanaşı, onlara kömək göstərməkdə şübhəli bilinən altı nəfər hakim qarşısına çıxarılaraq həbs edilib.
Miqrantlar ölkələrinə geri göndərilmək üçün Türkiyənin aidiyyəti qurumlarına təhvil veriliblər.
Bütün xəbərlər Facebook səhifəmizdə
USD
EUR
GBP
RUB