Estoniyada İslahatlar Partiyası, Vətən və Sosial Demokrat Partiyasının daxil olduğu yeni hökumət koalisiyası ölkədə yaşayan Rusiya Federasiyası və Belarus vətəndaşlarına silah sahibi olmağın qadağan edilməsini təklif etdikləri saziş imzalayıb.
SİA-nın əldə etdiyi məlumata görə, bu barədə “RBC” “ERR” dövlət yayım portalına istinadən xəbər verir.
Estoniya Silah Sahibləri İttifaqı bu ideyanı 2022-ci ilin martında irəli sürüb. Onun nümayəndələri silah haqqında qanuna dəyişiklik edilməsini və Estoniya, Avropa İtt8faqına üzv dövlətlər və NATO vətəndaşlarından başqa hər kəsin lisenziyalı silahlara sahib olmasını qadağan etməyi təklif ediblər. Rusiya Federasiyası və ölkədə yaşayan “müttəfiq dövlətlər” vətəndaşları üçün artıq qüvvədə olan bütün icazələrin ləğv edilməsi təklif edilib.
Qeyd edək ki, eyni şey ölkədə yaşamaq hüququ olan şəxslərə də aiddir.
Həmkarlar ittifaqı öz təkliflərini əks etdirən məktub yazaraq onu hazırkı daxili işlər naziri Kristian Jaaniyə göndərib. Təşkilat müraciətində açıq məlumatlara istinad edib, ona görə, 2020-ci ildə Estoniyada odlu silahlara sahib olmaq icazəsi olan və de-fakto onlara sahib olan 1300 Rusiya vətəndaşı yaşayıb.
Dəyişiklik edilməsi təklif olunan “Silahlar haqqında” qanun odlu silahın, pnevmatik, soyuq silahın və digər silah növlərinin, habelə döyüş sursatlarının, o cümlədən atıcı qalereyalarda, atıcılıq tirlərində və şəxsi məqsədlər üçün mülki dövriyyəsini tənzimləyir.
“...Estoniya və Ukraynaya qarşı düşmənçilik nümayiş etdirən hər kəsin əlindən alınmalıdır”.
Bu barədə Daxili İşlər Nazirliyinin rəhbəri vəzifəsinə namizəd Lauri Lyanemets bildirib.
Ağasəf Babayev
Bütün xəbərlər Facebook səhifəmizdə
USD
EUR
GBP
RUB