Bayden ABŞ-ın Türkiyәyә F-16 qırıcılarını satmasını dәstәklәyib

Ağ Evin sözçüsü Karine Jean-Pierre bir neçə aydır Türkiyəyə F-16-ların satışını müzakirə etdiklərini və prezident Co Baydenin bu satışı dəstəklədiyini bildirib. SİA bu barədə Türkiyə saytlarına istinad edir.

Jean-Pierre tәşkil etdiyi gündəlik mətbuat konfransında bir qrup Demokrat Konqres üzvlәrinin Co Baydenin keçən həftə İspaniyanın paytaxtı Madriddə baş tutan NATO-nun Dövlət və Hökumət Başçıları Zirvə Toplantısında Türkiyә prezidenti Rəcəb Tayyib Ərdoğanla keçirdiyi görüşdәn sonra F-16 satışı ilə bağlı müsbət açıqlamalarını tәnqid etmәsini qiymәtlәndirib.

F-16 ilə bağlı danışıqların bir müddətdir gündəmdə olduğuna diqqət çəkən Jean-Pierre deyib:

‘‘F-16-larla bağlı mövqeyimiz aydınıq. Biz bunu bir neçə aydır müzakirə edirik. Bayden həqiqətən bu tələbi dəstəkləyir. Bundan başqa yeni bir şey yoxdur’’.

Madriddə keçirilən NATO-nun Dövlət və Hökumət Başçıları Zirvə Toplantısında prezident Ərdoğanla görüşən Bayden iyunun 30-da keçirdiyi mətbuat konfransında ABŞ-ın Türkiyəyə F-16 döyüş təyyarələrini satmasını dәstәklәyib .

Bayden mәtbuat konfransında deyib: "Dekabr ayında mən Türkiyә prezidenti Rәcәb Tayyib Әrdoğana F-16 təyyarələrini satmalı və modernləşdirməli olduğumuzu söylədim. Belə bir istəyi dəstəkləmək bizim maraqlarımıza uyğundur".

Bütün xəbərlər Facebook səhifəmizdə