BMT Adadakı hər iki icmanın Kıbrıs (Kipr) və ətrafındakı təbii sərvətlərdən faydalanmasının vacibliyini ifadə edərək, enerji əməkdaşlığına çağırıb. SİA bu barədə Türkiyə saytlarına istinad edir.
BMT-nin Baş katibi Antonio Quterreşin 16 dekabr 2021-14 iyun 2022-ci il dövrünü əhatə edən hesabatına görə, Kıbrıs probleminin həllinə ictimai inam azalıb.
Hesabatda Kıbrısdakı tərəflər arasında "əsaslı dialoq və tamhüquqlu danışıqların olmaması və mövcud sosial-iqtisadi və siyasi mühit nəzərə alınmaqla, sülh prosesində ortaq zəmin əldə edilməsi ümidləri hələlik qeyri-müəyyən olaraq qalır" fikri yer alıb, ayrıca tərəflər arasında texniki komitələrin işlərini davam etdirdiyi və adada tullantılara nəzarət və ətraf-mühit kimi mövzularda razılaşmalar olduğu yer alıb.
“Adada və onun ətrafındakı təbii ehtiyatlar hər iki icmanın xeyrinə olmalı və bu məsələ ilə bağlı mübahisələrə və regionda davam edən enerji əməkdaşlığı layihələrinə təcili olaraq qəbul edilə biləcək və daimi həll yolları üçün güclü şəkildə dəstək olunmalıdır”, - deyə hesabatda bildirilib.
Qarant ölkələr Türkiyə ilə Yunanıstan arasında münasibətlərin qeyri-sabit olduğuna diqqət çəkilən hesabatda münasibətlər mart ayında yaxşılaşsa da, sonradan gərginliyin artmağa davam etdiyi vurğulanıb.
BMT Baş katibi Quterreş deyib ki, bir daha bütün kıbrıslıları adanın gələcəyinin formalaşmasında fəal rol almağa və gələcəyə praqmatizmlə baxmağa çağırıram. Kıbrıs probleminin yekun həllinə nail olmaq və hamıya sülh və firavanlıq gətirmək üçün qarşılıqlı məqbul yol üçün davamlı səylər lazımdır. Mən qarant ölkələri iki icma arasında dialoq və əməkdaşlığa dəstək verməyə çağırıram.
Xatırladaq ki, Şimali Kıbrıs Türk Cümhuriyyəti (KKTC) Prezidenti Ersin Tatar iki dövlətli həll əsasında BMT-yə iki dövlətli həllin əsas götürüldüyü Cənubi Kıbrıs Rum İdarəsi ilə karbohidrogenlər, elektrik, bərpa olunan enerji və su ilə bağlı əməkdaşlıq təkliflərini ehtiva edən paketi təqdim edib.
Bütün xəbərlər Facebook səhifəmizdə
USD
EUR
GBP
RUB
