Türkiyə əhalinin sayına görə 18-ci yerdədir

Türkiyə əhalinin sayına görə 195 ölkə arasında 18-ci yerdədir. SİA bu barədə Türkiyə saytlarına istinad edir.

Türkiyə Statistika Təşkilatı (TÜİK) Dünya Əhali Günü Statistikasını açıqlayıb.

Buna görə, Türkiyənin əhalisi 84 milyon 680 min 273 olub.

Bununla da 195 ölkə arasında 18-ci yerdə olan Türkiyə əhalisi dünya əhalisinin 1,1 faizini təşkil edir.

BMT-nin qiymətləndirmələrinə görə, 2021-ci il üçün dünya əhalisinin 7 milyard 874 milyon 965 min 732 nəfər olacağı təxmin edilir.

Bu təxminlər çərçivəsində ən çox əhalisi olan ölkə 1 milyard 444 milyon 216 min 102 nəfərlə Çin, ikinci yerdə 1 milyard 393 milyon 409 min 33 nəfərlə Hindistan və 332 milyon 915 min 74 nəfərlə Amerika Birləşmiş Ştatları gəlir.

Bu 3 ölkə dünya əhalisinin 40,3 faizini təşkil edir.

Bütün xəbərlər Facebook səhifəmizdə