ABŞ səlahiyyətliləri Yaxın Şərqdəki ABŞ ordusunun son vaxtlar Rusiya və İranın artan “təxribatçı” və “təhlükəsiz” hərəkətləri ilə üzləşməsindən “narahatdırlar”.
SİA-nın rus saytlarından əldə etdiyi məlumata görə, bunu “Washington Post” nəşri adını açıqlamayan Ağ Ev rəsmilərindən birinə istinadən yazır.
Beləliklə, nəşrin yazdığına görə, iyun ayı ərzində bölgədə bir sıra insidentlər qeydə alınıb ki, Pentaqon bunu Rusiya və İranın “təxribatçı, eskalator” və ya qeyri-peşəkar” hərəkətləri adlandırıb.
Nümunə kimi, rəsmilər Rusiya döyüş təyyarələrinin Suriya hava məkanında ABŞ aviasiyasına təhlükə yaratdığı iddia edilən halları göstəriblər. Bununla yanaşı, ABŞ Silahlı Qüvvələrinin mərkəzi komandanlığı bu iddiaları dəstəkləmək üçün əlavə təfərrüatlar verməkdən imtina edib.
Başqa bir misal kimi, nəşrin həmsöhbətləri ABŞ-ın dəstəklədiyi silahlı birləşmələrin Ət-Tanf hərbi bazası yaxınlığındakı düşərgəsinə iyun ayında aviazərbə endirdiyini qeyd ediblər.
Mənbələrin məlumatına görə, Rusiya tərəfi bu barədə təxminən 35 dəqiqə ərzində ABŞ hərbçilərini xəbərdar edib. Amerika silahlı qüvvələrinin şəxsi heyətindən heç kim xəsarət almayıb, lakin Vaşinqton Moskvanın hərəkətlərini “ABŞ-ın hərbi cavab verməyəcəyi gözləntisi ilə regionda hökmranlığı gücləndirmək cəhdi” hesab edir.
Həmçinin, Ağ Ev nümayəndələrinin fikrincə, İran və “onun dəstəklədiyi qüvvələr” oxşar “təxribatçı” hərəkətlərə əl atırlar.
Əli Babayev
Bütün xəbərlər Facebook səhifəmizdə
USD
EUR
GBP
RUB