“NATO-nun sərhədlərimizin yaxınlığında, xüsusən də Baltikyanı ölkələr və Polşadakı fəaliyyətindən ciddi şəkildə narahatıq”.
SİA-nın rus saytlarından əldə etdiyi məlumata görə, bunu Rusiyanın xarici işlər naziri Sergey Lavrov Rusiya Federasiyası ilə Belarus arasında diplomatik münasibətlərin qurulmasının 30-cu ildönümü münasibətilə Belarusun paytaxtı Minskə səfəri zamanı bu ölkənin xarici işlər naziri Vladimir Makey ilə görüşündən sonra keçirilən birgə mətbuat konfransında deyib.
"Biz NATO-nun sərhədlərimizin yaxınlığında, xüsusən də Baltikyanı ölkələr və Polşada fəaliyyətindən ciddi narahatıq. Bizim ümumi fikrimiz ondan ibarətdir ki, bu cür hərəkətlər açıq şəkildə qarşıdurma xarakteri daşıyır və Avropa təhlükəsizlik məkanında daha çox gərginliyə və parçalanmaya gətirib çıxaracaq", -deyə Lavrov qeyd edib.
Avropada Təhlükəsizlik Əməkdaşlıq Təşkilatının (ATƏT) 1990-cı illərin sonu və 2010-cu ildə elan etdiyi “təhlükəsizliyin bölünməzliyi prinsipini” məhv etdiyini deyən S.Lavrov “Qərb bununla da “heç bir dövlət özünün təhlükəsizliyini başqalarını təhlükə altına almaq hesabına gücləndirməməlidir” prinsipini məhv etdi” deyib.
Bütün xəbərlər Facebook səhifəmizdə
USD
EUR
GBP
RUB