"Türkiyə ilə ekstradisiya mövzusunda sıx dialoq quracağıq"

İsveçin baş naziri Maqdalena Andersson Türkiyə ilə ekstradisiya mövzusunda sıx dialoq quracaqlarını bildirib. SİA bu barədə Türkiyə saytlarına istinad edir.

M.Andersson Türkiyə, İsveç və Finlandiyanın İspaniyanın paytaxtı Madriddə imzaladığı üçlü memorandumdan sonra bu gün səhər Finlandiyanın "YLE" dövlət televiziyasına açıqlama verib.

"Türkiyə ilə ekstradisiya ilə bağlı yaxın dialoq quracağıq. Beynəlxalq hüquq çərçivəsində terrorla necə mübarizə apardığımızı danışıb izah edəcəyik"-deyə o bildirib.

Prosesi konstruktiv hesab edən Andersson “Bu prosesdə kim daha çox güzəştə getdi?” sualına cavab vermək istəməyib.

Bu arada, separatçı terror təşkilatı YPG/PKK tərəfdarı olan müstəqil millət vəkili Aminah Kakabaveh Türkiyə ilə üçlü memorandum imzalanması ilə bağlı "onlar üçün qara gün olduğunu" bildirib və İsveçin xarici işlər naziri Ann Lində haqqında sorğu təklifi vermək üçün işə başlayacaqlarını deyib.

"TV4" televiziyasına açıqlamalar verən Kakabaveh Lindeyə qarşı etimadsızlıq təklifinin verilməsi üçün parlamentdə 35 deputatın imzasının lazım olduğunu və bu istiqamətdə hərəkət edəcək 35 deputatın parlamentdə olduğunu iddia edib.

Bütün xəbərlər Facebook səhifəmizdə

loading...