Daxili işlər naziri Süleyman Soylu bildirib ki, ilin əvvəlindən Türkiyədə 126 min qanunsuz mühacir yaxalanıb.
SİA-nın əldə etdiyi məlumata görə, Nazir Soylu İzmirdə keçirilən mərasimdə etdiyi çıxışında qanunsuz mühacirlərin ölkəyə gəlməsinin qarşısını almaq üçün ciddi səy göstərdiklərini, lakin suriyalı qaçqınların qanunsuz mühacirlərlə qarışdırılmaması lazım olduğunu bildirib.
S.Soylu 510 min suriyalının təhlükəsiz bölgələrə qayıtdığını vurğulayıb:
"Yaxaladığımız qanunsuz mühacirlərə humanist rəftarla yanaşırıq, bu insanları ölkələri ilə bağladığımız müqavilələr çərçivəsində öz ölkələrinə göndəririk.İlin əvvəlindən 126 min qanunsuz mühaciri yaxalamışıq. Cəhd edirik. İngiltərə də Ruandaya göndərəcəkdi, edə bilmədi. Bir dənə də mühaciri göndərə bilmədi. Biz neçə adam göndərdik? 44 min 933 nəfəri öz ölkələrinə sadəcə cari ilin ilk günündən bu günədək göndərmişik".
Bütün xəbərlər Facebook səhifəmizdə
USD
EUR
GBP
RUB