Türkiyə Avropa İttifaqının liderlәr sammitindә Türkiyə ilə bağlı qәbul edilәn qərarlara sərt reaksiya göstәrib. SİA bu barədə Türkiyə saytlarına istinad edir.
Türkiyәnin Xarici İşlər Nazirliyindən verilən bәyanatda 23-24 iyun tarixlərində Belçikanın paytaxtı Brüsseldə keçirilən Aİ Dövlət və Hökumət Başçıları sammitindә Türkiyə ilə bağlı qəbul edilən qərarlarla bağlı deyilir:
"Avropa İttifaqının Dövlət və Hökumət Başçıları sammitindә Türkiyә ilә bağlı qәbul edilәn qәrarlar təəssüf doğurur. Aİ-nin Şərqi Aralıq dənizi və Egey dənizi ilə bağlı maksimalist və qeyri-qanuni tezisləri qanuniləşdirməyə çalışması qəbuledilməzdir. Bu qərarlar hәm məsələlərin həllinə kömək etmir, həm də regional sabitliyə zərər verir".
Bәyanatda hәmçinin deyilir: ‘‘Türkiyə hər zaman beynəlxalq hüquq və mehriban qonşuluq münasibətlərinә üstünlük versә dә, ölkəmizin bu mövqeyinә gərginlik strategiyası ilə cavab vermək qeyri-səmimilik әlamәtidir’’.
Sammitdə Ukrayna və Moldovaya namizəd ölkə statusunun, Gürcüstana isə Aİ-yə üzvlük perspektivinin verilməsindən mәmnuniyyәt duyulduğu ifadә edilәn bәyanatda vurğulanıb ki, hazırda namizəd ölkələr statusunda olan Albaniya və Şimali Makedoniya ilə üzvlük danışıqlarının başlamaması qəribədir.
Bәyanatda Bosniya və Herseqovinaya namizəd statusunun ən qısa zamanda verilməsinin Balkan ölkәlәri da daxil olmaqla daha geniş Avropa coğrafiyasına fayda gətirəcəyi ifadә edilib.
Bütün xəbərlər Facebook səhifəmizdə
USD
EUR
GBP
RUB