Dünya Bankı Somaliyә kredit dәstәyi verәcәk

Dünya Bankı quraqlıq və iqtisadi problemlərlə mübarizə aparan Somaliyə 143 milyon dollar kredit dəstəyi verəcək.

SİA-nın əldə etdiyi məlumata görə, Dünya Bankının Somali üzrә Direktoru Kristina Svensson, uzun müddətdir quraqlıqla mübarizə aparan Somaliyə dəstək verəcəkləri barədə məlumatı yazılı şәkildә bildirib.

Somaliyə 143 milyon dollar kredit dəstəyi verəcəklərini ifadə edən Svensson bu addımla təxminən 500 milyon ailəyə yardım çatdıracaqlarını qeyd edib.

Dünya Bankı 2020-ci ildə Somaliyə 55 milyon dollar dəstək verib.

1990-cı ildən bəri Somali iqlim dəyişikliyi səbəbindən daşqın və quraqlıq kimi 30-dan çox təbii fəlakətlə üzləşib.

Somali hökuməti artan quraqlıq səbəbindən 23 noyabr 2021-ci ildə ölkə daxilində "fövqəladə vəziyyət" elan edib.

Ümumdünya Səhiyyə Təşkilatı (ÜST) Somalidəki humanitar böhranla bağlı beynəlxalq ictimaiyyəti təcili yardıma çağırıb.

Bütün xəbərlər Facebook səhifəmizdə

loading...