Ukrayna hərbi qüvvələrini Severodonetskdən çıxarır

Ukraynanın Luqansk Regional Hərbi Administrasiyasının rəhbəri Sergey Qayday bildirib ki, Ukrayna qüvvələrinə Severodonetski tərk etməsi əmri verilib. SİA bu barədə rus saytlarına istinad edir.

Sergey Qayday "Telegram" kanalına verdiyi açıqlamada Ukraynanın Luqansk vilayətində yerləşən Severodonetsk şəhərindəki vəziyyətlə bağlı məlumat paylaşıb.

Rusiya ordusunun Severodonetskdə infrastrukturu məhv etdiyini bildirən Qayday sözügedən şəhərin təxminən 90 faizinə ziyan dəydiyini söyləyib.

Ukrayna qüvvələrinin şəhərdən çıxacağına işarə edən Qayday deyib:

"Ukrayna Silahlı Qüvvələri Severodonetski tərk etməli olacaq. Əsgərlərimizə bu istiqamətdə göstəriş verilib. Severodonetsk müdafiəçiləri daha güclü mövqelərə çəkiləcək".

Sergey Qayday həmçinin bildirib ki, Rusiya hərbi birləşmələri Severodonetsk yaxınlığındakı Lisiçansk şəhərinə doğru irəliləyir.

Bütün xəbərlər Facebook səhifəmizdə

loading...