Ukrayna prezidenti Volodomir Zelenski deyib ki, Afrika qitəsi Rusiyanın Ukraynaya qarşı müharibəsinin “girovu”dur.
SİA-nın əldə etdiyi məlumata görə, Afrika İttifaqına videokonfrans vasitəsilə müraciət edən Volodimir Zelenski Rusiya-Ukrayna müharibəsi və Afrikada yaranan ərzaq böhranı ilə bağlı açıqlamalar verib.
Zelenski müharibənin Afrika qitəsindən minlərlə kilometr aralıda getməsinə baxmayaraq, qitədə ərzaq qiymətlərinin ciddi şəkildə artdığını və buna görə Rusiyanın məsuliyyət daşıdığını bildirib.
Volodimir Zelenski bütün dünyada ərzaq qiymətlərinin çox artdığını, lakin Afrika ölkələrinin bu vəziyyətdən xüsusilə təsirləndiyini vurğulayıb.
Volodimir Zelenski qeyd edib ki, Rusiyanın hücumları davam etdikcə ərzaq böhranı davam edəcək. Zelenski Ukraynanın ixrac edә bilmәdiyi 25 milyon ton taxıl üçün yeni tədarük və logistika zənciri yaratmağa çalışdığını söyləyib.
Afrika ilə münasibәtlәri inkişaf etdirmәk istədiyini ifadә edәn Volodimir Zelenski deyib: “Afrika Rusiyanın Ukraynaya qarşı başlatdığı müharibənin girovuna çevrilib”.
Bütün xəbərlər Facebook səhifəmizdə
USD
EUR
GBP
RUB