Avropa İttifaqının (Aİ) Xarici Əlaqələr və Təhlükəsizlik Siyasəti üzrə ali nümayəndəsi Josep Borrell Lüksemburqda keçirilən Aİ xarici işlər nazirləri iclasından sonra mətbuata açıqlama verib. SİA bu barədə Türkiyə saytlarına istinad edir.
Josep Borrell Rusiyanın qlobal aclığı qəsdən gücləndirdiyini və bunun yaranmasında Aİ sanksiyalarının təsirli olduğu fikrini yaymağa çalışdığını ifadə edərək: “Ukraynanın ixracatını əngəlləyən Aİ deyil, Rusiyadır. Limanlara, ərzaq ehtiyatlarına və nəqliyyat infrastrukturuna Aİ yox, Rusiya zərər verir. Bu, dünyada aclıq yaratmaq üçün Rusiyanın planlı atdığı addımdır. Baxmayaraq bütün olub-qurtulanların Aİ-nın tətbiq etdiyi sanksiyalardan asılı olduğunu irəli sürərək öz təbliqatını aparmaqda davam edir”.
Komissiyadan Afrika ölkələrinin xarici işlər nazirlərinə və bütün maliyyə və iqtisadi subyektlərə sözmövzusu vəziyyəti izah edən məktub ünvanlanmasını istədiyini ifadə edən Borrell, məktubda qida və gübrələrin Aİ-nın sanksiya siyasətinə daxil edilmədiyinə diqqət çəkilməsini tələb etdiyini vurğulayıb. Sahel bölgəsində ərzaq təhlükəsizliyini aradan qaldırmaq üçün 1 milyard Avro ayırdıqlarını sözlərinə əlavə edib.
Bütün xəbərlər Facebook səhifəmizdə
USD
EUR
GBP
RUB