Avstriya Rusiyadan qaz tədarükünün azalması səbəbindən iki il əvvəl bağlandığı kömürlə işləyən elektrik stansiyasını yenidən işə salmağa hazırlaşır. SİA xəbər verir ki, bu barədə Bloomberg yazır.
“Hökumət və Verbund (ölkənin ən böyük elektrik tədarükçüsü - Red.) fövqəladə hallarda kömürdən elektrik enerjisi istehsalını yenidən işə salmaq üçün hazırda işləməyən "Mellah CHP" zavodunu işə salmaq barədə razılığa gəliblər”, - kansler Karl Nehammerin ofisindən bildirib.
Rusiya prezidentinin mətbuat katibi Dmitri Peskov bir müddət əvvəl bildirmişdi ki, bir sıra Avropa ölkələrinə qaz tədarükünün azalması onların qazla təmin etmək üçün istifadə edilən Siemens turbinlərinin təmirdən geri qayıtmaması ilə bağlıdır. “Şimal axını”nda Rusiya tərəfinin qəsdən problemlər yaratması xəbəri isə yalandır. Kreml dəfələrlə bildirib ki, Rusiya qaz tədarükündən heç vaxt kimisə cəzalandırmaq üçün istifadə etməyib, ancaq öz maraqları, rusların rifahının yüksəldilməsi və kommersiya əsasında yanacaq satır.
Bütün xəbərlər Facebook səhifəmizdə
USD
EUR
GBP
RUB