Ermənistanın Baş naziri Nikol Paşinyan Türkiyə ilə ölkəsi arasında normallaşma prosesində dialoqun müsbət irəlilədiyini bildirib.
SİA-nın əldə etdiyi məlumata görə, Paşinyan normallaşma prosesində atılan addımlar barədə mərkəzi qərargahı Qətərdə yerləşən “El-Cezire” televiziyasına açıqlama verib.
“Ankara ilə İrəvan arasında münasibətləri normallaşdırmağın yolu nədir? sualını cavablandıran Paşinyan xatırladıb ki, iki ölkə arasında xüsusi nümayəndələr vasitəsilə dialoq başlayıb:
“Dialoq çox müsbətdir, ümid edirik ki, konkret nəticələr əldə edəcəyik”.
Nikol Paşinyan ölkəsinin Azərbaycanla münasibətlərinə də toxunub.
İki ölkə arasında sərhəd komissiyası yaradıldığını bildirən Paşinyan deyib:
"Ümid edirik ki, beynəlxalq tərəfdaşlarımızın dəstəyi və birbaşa fəaliyyətlərimiz nəticəsində biz sərhədlərimizi müəyyən edə biləcəyik”.
Bütün xəbərlər Facebook səhifəmizdə
USD
EUR
GBP
RUB