Ermənistan əhalisinin sayı azalır.
SİA əldə etdiyi məlumata istinadən xəbər verir ki, Statistika Komitəsinin açıqladığı məlumatlara görə, 2022-ci ilin yanvar-aprel aylarında Ermənistanda 10 869 uşaq doğulub ki, bu da ötən ilin müvafiq dövrü ilə müqayisədə 3,5 % və ya 390 uşaq azdır. Qeyd edilir ki, ölkə əhalisinin sayı ötən ilin analoji dövrü ilə müqayisədə 2 % azalıb.
Məlumata görə, 2022-ci ilin yanvar-aprel aylarında ölkədə 5 229 nikah qeydə alınıb ki, bu da ötən ilin eyni dövrü ilə müqayisədə 5,6 % və ya 308 azdır. İkinci Qarabağ müharibəsindən əvvəlki dövrdə nikahların sayı indikindən çox olub: “Təbii ki, bütün bunları cəmiyyətimizdəki sosial-iqtisadi problemlər, neqativ gözləntilər, eləcə də təhlükəsizlik məsələləri ilə izah etmək olar”, – mətbuat vurğulayıb.
Evliliklərin sayının azalması fonunda boşanmalar da artıb. O cümlədən, 2022-ci ilin yanvar-aprel aylarında Ermənistanda 1 492 boşanma qeydə alınıb ki, bu da ötən ilin müvafiq dövrü ilə müqayisədə 15 % və ya 195 fakt çoxdur.
Bütün xəbərlər Facebook səhifəmizdə
USD
EUR
GBP
RUB