Müdafiə naziri Hulusi Akar Prezident Rəcəb Tayyib Ərdoğanın da izlədiyi İzmirin Seferihisar rayonunda keçirilən Efes-2022 Təliminin Ziyalı Müşahidəçi Günü fəaliyyətlərinin yekün iclasında çıxış edib. SİA bu barədə Türkiyə saytlarına istinad edir.
Müdafiə Naziri Akar çıxışı zamanı Yunanıstanla bağlı problemlərə də toxundu. O: “Təxminən 200 ildə 3 dəfə böyüyən Yunanıstan utanmadan Türkiyə Respublikasını ekspansionizmdə ittiham edir. Bunu tarixi faktlarla izah etmək mümkün deyil. Bu ikiüzlülükdür. Təxribatçı hərəkətləri və ritorikası ilə ekspansionist və təcavüzkar siyasətini davam etdirən Yunanıstanın, beynəlxalq hüquqa, ağıl, məntiq və faktlara zidd olaraq, tarixdən ibrət dərsi almadan dünyada analoqu olmayan iddialarından daşınmaması, silahlanma və bəzi müttəfiqlik səylərinin əbəs cəhdlər olduğunu idrak etmədiyini göz önünə sərir. Biz Türkiyə olaraq problemlərin sülh yolu və üsullarla həlli üçün dialoq çağırışımızı israrla və inadla davam etdirir və sülhə əlimizi uzadırıq. Türkiyənin heç bir ölkənin torpağında gözü yoxdur. Ancaq Yunanıstanın etdiyi hər cür haqsız və qanuna zidd hərəkətlərə, danışıqlara indiyədək olduğu kimi bundan sonra da lazımi cavab veriləcəkdər.
Akar sözlərinin davamında : “NATO təhlükəsizlik təşkilatıdır və ən böyük mübarizə sahələrindən biri isə terrorizmdir. Terrora qarşı mübarizədə həmrəylik müttəfiqliyin əsas şərtidir. Eyni anda birdən çox terror təşkilatına qarşı mübarizə aparan yeganə NATO ölkəsi Türkiyə, terrorla Avropa arasındakı son maneədir. Türkiyənin təhlükəsizliyi, NATO daxil olmaqla Avropanın bütövünün təhlükəsizliyidir. Bu unutulmamalı və diqqətdən yayındırılmamalıdır.
Bütün xəbərlər Facebook səhifəmizdə
USD
EUR
GBP
RUB