NATO-nun baş katibi Yens Stoltenberq herpes virusuna yoluxduğu üçün Almaniya vә Rumıniyaya edәcәyi sәfәrlәri lәğv edib.
SİA-nın əldə etdiyi məlumata görə, bu barәdә NATO rәsmisi mәlumat verib.Mәlumata әsasәn, Yens Stoltenberq bu gün Almaniyaya, sabah isә Rumıniyaya sәfәr edәcәkdi.
Mәlumatda vurğulanıb ki, Yens Stoltenberq işlәrini bir müddәt evdәn davam etdirәcәk vә planlaşdırılan proqramlara telekonfrans yolu ilә qatılacaq.
NATO rәsmisi Yens Stoltenberqә herpes diaqnozu qoyulduğunu vә yeni növ koronavirus keçirәnlәrin herpesә yoluxma ehtimalının yüksәk olduğunu deyib.
Qeyd edәk ki, Yens Stoltenberqin bu gün Berlindә Almaniya kansleri Olaf Şolz vә müdafiә naziri Kristin Lambreçtlә görüş keçirmәsi, sabah isә Rumıniyada tәşkil edilәcәk Buxarest-9 zirvә görüşünә qatılması planlaşdırılırdı.
Xatırladaq ki, Yens Stoltenberq may ayında yeni növ koronavirusa yoluxmuşdu.
Bütün xəbərlər Facebook səhifəmizdə
USD
EUR
GBP
RUB