Ukraynanın Xerson şəhərindəki qondarma rusiyapərəst administrasiya Rusiyaya taxıl ixracına başladıqlarını bildirib.
SİA xəbər verir ki, Rusiya ordusunun nəzarətində olan qondarma administrasiyanın Xersondakı nümayəndəsi Kiril Stremousov "TASS" xəbər agentliyinə bildirib ki, regionda qış biçini başlayıb, şəhərdə xeyli miqdarda taxıl var.
“Bizim taxıl saxlamaq üçün yerimiz var, amma çoxlu taxıl var. İnsanlar indi Rusiyadakı alıcılara taxıl ixrac etməyə başlayırlar”,-deyo bildirib.
Stremousov qeyd edib ki, regiondan günəbaxan tumlarının Rusiyanın emal müəssisələrinə tədarükü üzərində də işləyirlər.
Qərb və Rusiya rəsmiləri fevralın 24-də Ukraynada başlayan müharibə və sanksiyalar səbəbindən qlobal ərzaq böhranı ilə bağlı xəbərdarlıq edir.
Əhəmiyyətli taxıl ixracatçıları olan Rusiya və Ukraynanın keçən il dünya buğda ixracında təxminən 30 faiz payı var idi.
Rusiya prezidenti Vladimir Putin bildirib ki, Rusiya əngəlsiz taxıl ixracına, o cümlədən Qara dəniz limanlarında Ukrayna taxılının ixracına hazırdır, lakin bu, Rusiyaya qarşı müvafiq sanksiyaların ləğvini tələb edir.
Bütün xəbərlər Facebook səhifəmizdə
USD
EUR
GBP
RUB