75-ci Ümumdünya Səhiyyə Assambleyası davam edir

Türkiyənin səhiyyə naziri Fahrettin Koca Ümumdünya Səhiyyə Təşkilatının (ÜST) baş direktoru Doktor Tedros Adhanom Ghebreyesus görüşüb. SİA bu barədə Türkiyə saytlarına istinad edir.

Nazir Fahrettin Koca 75-ci Ümumdünya Səhiyyə Assambleyası çərçivəsində Ghebreyesus ilə keçirdiyi görüşdə: “Türkiyə iqtisadi vəziyyəti yaxşı olmayan və orta gəlirli ölkələrin yeni növ koronavirus (Covid-19) peyvəndini əldə etmələrinə lazımlı dəstəyi verməyə cəhd edir və Afrikanın peyvənd əldə etməsinə üstünlük verir” –deyə nazir vurğulayıb.

ÜST-nin baş direktoru Qebreyesus da epidemiya əleyhinə qlobal mübarizədə Türkiyə ilə əməkdaşlığı davam etdirmək istədiklərini bildirib.

Türkiyənin COVİD-19 peyvəndi “TURKOVAC”-ı istehsal etməsini yüksək qiymətləndirdiyini ifadə edən Qebreyesus, BioNTech peyvəndinin türk professorlar tərəfindən hazırlandığını və bu səbəbdən Türkiyə peyvəndi hesab edilə biləcəyini qeyd edib.

Nazir Koca daha sonra İndoneziyanın səhiyyə naziri Budi Günadi Sadikin ilə ikitərəfli görüş keçirib.

Budi Sadikin də ölkəsinin Türkiyə ilə səhiyyə sahəsində əməkdaşlıq etməsini yüksək qiymətləndirdiyini bildirib və Kocanı iyunun 20-22-də İndoneziyanın paytaxtı Cakartada keçiriləcək G-20 Səhiyyə Nazirləri Toplantısına dəvət edib.

75-ci Ümumdünya Səhiyyə Assambleyası mayın 28-də başa çatacaq.

ebreyesus görüşüb.

Bütün xəbərlər Facebook səhifəmizdə

loading...