Ərdoğan NATO-nu tənqid edib

“Duruşumuzu həmişə qoruyacağıq. Atdığımız hər addım kimi, xaricdəki bütün siyasətimizi bu anlayışla tətbiq edirik”. Bunu Türkiyə Prezidenti Rəcəb Tayyib Ərdoğan söyləyib.

“Balkanlardan Afrikayadək, hər yerdə olduğu kimi, Suriyada, İraqda, Liviyada, Şərqi Aralıq dənizində, Qarabağda, Ukraynadakı böhranlarda da həmişə bu yanaşma ilə hərəkət etmişik, hərəkət edəcəyik”, – dövlət başçısı bildirib.

SİA bu barədə Türkiyə saytlarına istinad edir.

R.T.Ərdoğan NATO-nun fəaliyyətinə də toxunub. O vurğulayıb ki, indi NATO müxtəlif vasitələrlə Şərq sərhədlərini gücləndirməyə çalışır: “Ukrayna böhranının ardından atılan addımları təbəssümlə izləyirik. Çünki biz illərlə NATO müttəfiqi olaraq belə mənzərə ilə qarşılaşmadıq. Bizim uzun illər NATO-dan yeganə istəyimiz Türkiyənin də öz sərhədlərini müdafiə etməsinə eyni münasibət ilə yanaşması idi. Biz sərhədlərimizi terrorçulardan qorumaq istəyirik. Amma, demək olar, bu məsələyə heç bir müttəfiqimiz istədiyimiz münasibəti göstərmədi”.

Prezident Rəcəb Tayyib Ərdoğan terrorçuları Türkiyəyə təhvil verməyən ölkələrin NATO üzvlüyünə “hə” deyə bilməyəcəyini də sözlərinə əlavə edib.

Bütün xəbərlər Facebook səhifəmizdə

loading...