Rusiyanın Ukraynaya qarşı genişmiqyaslı müharibəsi yalnız Ukrayna Silahlı Qüvvələrinin döyüş meydanında qələbəsindən sonra başa çatacaq.
“Azov” alayının keçmiş komandiri, hazırda Mariupolu müdafiə edən Maksim Jorin bu barədə “Kanal 24”-ə müsahibəsində bildirib. SİA bu barədə “UNİAN”a istinad edir.
Qeyd edək ki, Jorin artıq atışma qadağası ilə diplomatiyaya inanmadığını etiraf edib.
Onun sözlərinə görə, müharibənin sonu yalnız döyüş meydanında olacaq. Mən inanmıram və uzun müddətdir ki, atışma qadağası ilə diplomatiya oyununda bu haqda danışıram. (əgər belə vaxtların olduğunu xatırlayırsınızsa) - Bunları Jorin bildirib.
Müharibənin artıq 8 ildir ki davam etdiyini xatırladan ukraynalı döyüşçü deyir: "...İlk gündən bu müharibənin yeni mərhələlər qazanacağı, yalnız döyüş meydanında qərarlaşacağı bəlli idi".
"Əlbəttə, bugünkü dünya diplomatiyası, diplomatik münasibətlər olmadan mövcud ola bilməz. Lakin döyüş meydanındakı bütün döyüşlər həlledici olacaq. Bu müharibədə qələbəyə məhz Ukrayna ordusu qərar verəcək", - Jorin əlavə edib.
Qeyd edək ki, Ukrayna müdafiə naziri Aleksey Reznikovun “bizi son dərəcə çətin həftələr gözlədiyi” barədə xəbərdarlığını xarırladan Jorin Ukraynada müharibənin artıq uzunmüddətli olacaq yeni mərhələsinə qədəm qoyduğunu da diqqətə çatdırır.
Onu da qeyd edək ki, Ukraynanın müdafiə nazirinin müavini Anna Malyar da bir müddət bundan əvvəl Ukraynanı bir neçə son dərəcə çətin həftələr və ya bəlkə də aylar gözləndiyini bildirmişdi.
...Yeri gəlmişkən ötən günlərdə “Azov” alayının döyüşçüləri BMT və Qırmızı Xaç Cəmiyyətindən yaralıları Mariupoldakı “Azovstal” zavodunun ərazisindən təxliyə etməyi xahiş ediblər. Onların dediyinə görə, bomba sığınacaqlarında yaralılara tibbi yardım göstərmək imkanı yoxdur.
Və əgər beynəlxalq təşkilat və vasitəçi ölkələrin əməkdaşlığı olmasa, bu insanlar ağrılı ölümə məhkumdurlar.
Ağasəf Babayev
Bütün xəbərlər Facebook səhifəmizdə
USD
EUR
GBP
RUB