Bu gün Mariupoldakı “Azovstal” zavodunu tərk edən altı uşaq da daxil olmaqla 25 mülki şəxsdən ibarət qrup şəhərdən 30 kilometr aralıda yerləşən Bezymennoe kəndinə gətirilib.
SİA-nın əldə etdiyi məlumata görə,bu barədə “Moskovskiy komsomoles” nəşrinin hərbi-siyasi jurnalistika mərkəzinin eksperti Boris Rojinin Teleqram kanalına istinadən xəbər verir.
Deməli, qəzetin yazdığına görə, Bezymennoe kəndinə gətirilənlərin “Donetsk və Luqansk Xalq Respublikaları”na qarşı hərbi əməliyyatlarda iştirakları olub-olmadıqları yoxlanılır.
Qəzetin yazdığına görə, onlar yemək və tibbi xidmətlə təmin olunublar.
Xatırladaq ki, Mariupol uğrunda döyüşlər fevralın 25-də başlayıb. Döyüşlər zamanı şəhər mühasirəyə alınıb. Rusların dediyinə görə, hazırda yaşayış məntəqələrində ukraynalı hərbçilər yoxdur.
TASS-ın məlumatına görə, ötən həftə Ukrayna Silahlı Qüvvələrinin 36-cı dəniz piyada briqadasının 1300-dən çox əsgəri İliç zavodu yaxınlığında silahlarını yerə qoyub. Daha sonra ticarət limanı azad edilib, orada saxlanılan girovlar azad edilib(?).
Ağasəf Babayev
Bütün xəbərlər Facebook səhifəmizdə
USD
EUR
GBP
RUB