Rusiyanın Qara dənizdəki flaqmanı, "Moskva" kreyseri fırtına zamanı yedəyə alınarkən batıb. Bu barədə deyilirdi. Amma nədənsə, Rusiya Müdafiə Nazirliyi bunu rəsmi şəkildə bəyan etməmişdi. Bu saatlarda etdi...
SİA-nın əldə etdiyi məlumata görə, bu barədə TASS Rusiya Federasiyasının Müdafiə Nazirliyinə istinadən məlumat yayıb.
Şöbədən vurğulandığı kimi, yanğın zamanı sursatın partlaması nəticəsində gövdəyə ziyan dəydiyi üçün gəmi dayanıqlığını itirib və sulara qərq olub.
Maraqlıdır ki, Rusiya Müdafiə Nazirliyi son ana qədər kreyserin batmasıyla bağlı xəbəri yayımlamadı.
Xəbər agentlikləri Rusiya Müdafiə Nazirliyinə istinad etməzdən bir neçə saat əvvəl Ukrayna rəsmiləri kreyserin Odessa yaxınlığında Neptun raketləri ilə hücuma məruz qalması xəbərini yayırdılar.
Xatırlama: Rusiya Qvardiyasının raket kreyseri, 1164 "Atlant" layihəsinin aparıcı gəmisi. Kreyser Rusiya Hərbi Dəniz Qüvvələrinin Qara dəniz donanmasının 30-cu yerüstü gəmi diviziyasının tərkibində olub. Nikolaev şəhərindəki “61 Kommunar” adına gəmiqayırma zavodunda hazırlanıb, əvvəlcə "Slava” (Şöhrət) adını aldı. Layihə 1123 sualtı qayıq əleyhinə kreyseri Moskva istismardan çıxarıldıqdan sonra onun adını miras aldı və Qara Dəniz Donanmasının flaqmanı oldu. Gürcüstanda (2008), Suriyada (2015) və Ukraynada (2022) hərbi münaqişələrdə iştirak edib. Kreyserin ekipajı 510 nəfər idi.
Əli Babayev
Bütün xəbərlər Facebook səhifəmizdə
USD
EUR
GBP
RUB