Ukrayna prezidenti Vladimir Zelenski bildirib ki, Rusiyanın Ukraynaya hücumunu dayandırmaq üçün daha çox sanksiyalar tətbiq edilməlidir.
SİA-nın əldə etdiyi məlumata görə, Zelenski İsveç parlamentində onlayn iclasda çıxış edib.
Parlamentdə emosional çıxış edən və sürəkli alqışlarla qarşılanan Zelenski Rusiyanın Ukraynaya hücumlarını dayandırmaq üçün Qərb ölkələrindən daha çox sanksiyalar tələb edib.
Zelenski İkinci Dünya Müharibəsindən bəri minlərlə insanın ölümü ilə görünməmiş bir qaranlıq dövr yaşadıqlarını bildirib.
O "Rusiya ordusunun Ukraynada gördüyü işlərə baxın. Suriyaya atılan bombalar bir aydır ölkəmizə atılıb. Minlərlə ev dağıdılıb. 10 milyon insan qaçıb. Rusiya hücumları dayandıran kimi əminəm ki, qaçan insanlar kimi geri qayıdacaqlar” deyib.
Ukraynaya silah göndərməyə qərar verən ilk ölkənin İsveç olduğuna diqqət çəkən Zelenski deyib:
"İsveç tarixi bir qərar verərək bizə silahla kömək edən ilk ölkə oldu. Mən də İsveçə Rusiya sanksiyalarının arxasında dayandığı üçün təşəkkür etmək istəyirəm. Onu da qeyd etmək istərdim ki, müharibə cinayəti törədən bütün şəxslər ədalət qarşısında cavab verməlidirlər və cəzalandırıldı" ifadələrdən istifadə edib.
Bütün xəbərlər Facebook səhifəmizdə
USD
EUR
GBP
RUB