Dəriyə qulluq dedikdə ağıla ilk gələn üzümüzdür. Biz özümüzü üzümüzə verdiyimiz qayğı ilə məhdudlaşdırırıq. Halbuki əllərimiz də üzümüz qədər qayğıya ehtiyac duyur. SİA xarici mətbuata istinadən xəbər verir ki, üzümüz kimi əllərimizdə nəm itkisi, qırışlar və rəng dəyişiklikləri ola bilər. Hətta əllərimiz zamanla qocalıb qırışa bilər. Bu səbəblərin qarşısını almaq üçün üzümüzə verdiyimiz qulluq qədər əllərə qulluq da önəmlidir. Əllərimizə qulluq etmək və onları daha canlı saxlamaq üçün tətbiq edilməli bir çox üsul var. Onlardan bəzilərini təqdim edirik.
Əllərimiz gün ərzində davamlı olaraq mikroblarla əhatə olunduğundan, şübhəsiz ki, diqqətli qayğıya layiqdirlər. Əllərimizə üzümüzə baxdığımız qədər həssas və diqqətli davranmalıyıq. Daha gənc, gözəl və hamar əllər üçün onlara hər gün müntəzəm olaraq qulluq etməyimiz vacibdir.
Kənardan gələndə ilk növbədə əllərimizi təmizləməliyik. Təmizləmə yalnız su ilə deyil, sabunla da aparılmalıdır.
Əllərimizi yuyarkən tərkibində süd olan əl sabunlarından istifadə etmək yaxşı olar. Çünki bəzi təmizləyicilər tərkibinə görə əlləri həddindən artıq quruda bilər. Bu səbəbdən tərkibində sıx kimyəvi maddələr olan sabunlardan qaçınmaq lazımdır. Daha yumşaq və təmiz sabunlardan istifadə edilməlidir.
Əllərimizi yuyarkən suyun temperaturu da böyük əhəmiyyət kəsb edir. Əlləri çox isti və ya çox soyuq su ilə yumaq düzgün deyil. Soyuq su əllərimizdə kiçilmə və qızartı yaradır. İsti su əllərimizin qurumasına səbəb olur. Quru əllərdə zamanla qabıqlanma baş verir.
Gözəl əllərə sahib olmağın ən əsas və əvəzolunmaz hissəsi nəmləndirici kremdən istifadə etməkdir. Ən əsas qaydalardan biri əlləri yuduqdan sonra nəmləndirici addımıdır. Əllərinizi nəmləndirərkən, ticari əl kremləri seçə və ya təbii yağlardan istifadə edə bilərsiniz.
Əlinizə qulluq üçün mütəmadi olaraq manikür etməlisiniz. Ətrafındakı ölü dəridən xilas olmalısınız. Ancaq bunu edərkən dəriləri kənardan kəsmək düzgün olmazdı. Əti yandan kəsmək əvəzinə, ölü dərilərdən xilas olmaq üçün əllərinizi soymaq olar. Ölü dəridən təmizlənmiş dəri daha canlı əllərə sahib olmaqda böyük rol oynayır.
Günəş şüalarının zərərli təsirlərindən qorunmaq üçün hər zaman üzümüzə günəşdən qoruyucu krem çəkirik, lakin bunu əlimizə vurmağı ağlımıza belə gətirmirik. Əllər də üz kimi zamanla qırışır. Qırışların vaxtında qarşısını almaq üçün günəşdən qoruyucu vasitələrdən yararlanmaq lazımdır.
Bu səbəbdən çölə çıxarkən əllərimiz təmizləndikdən və nəmləndikdən sonra günəşdən qoruyucu sürtmək vacibdir.
Əllərimizin daha gözəl görünməsi üçün dırnaqlarımıza rəngli dırnaq boyaları çəkirik. Ancaq çox dırnaq boyası çəkmək və dırnaq lakı təmizləyiciləri ilə çıxarmaq əllərimizə zərər verə bilər. Xüsusilə kövrək dırnaqları olanlar bu vəziyyətdən daha çox təsirlənir.
Dırnaq boyası təmizləyicilərinin tez-tez istifadəsi dırnaqları və dırnaq köklərini zədələyir. Dırnaqlar daha asan qırılır. Qırılan dırnaqlar da əllərimizi səliqəsiz göstərir.
Bütün bu zərərləri nəzərə alsaq, dırnaq boyası təmizləyicilərindən tez-tez istifadə etməmək və əllərimizi dincəltmək böyük əhəmiyyət kəsb edir.
Yumşaq və sağlam əllərə sahib olmaq üçün evdə tətbiq edə biləcəyiniz təbii maskalar var. Bütün günü toza və soyuğa məruz qalan əllərimiz bu gözəl baxım maskalarına layiqdir.
Banan və badam yağı çatlamış əllər üçün əla işləyən nəmləndirici maska hazırlamaq üçün əsas maddələrdir.
Yarım banan və badam yağı bir qabda qarışdırılır və əllərə sürtülür.
Xüsusilə əllərə tətbiq olunan bu qarışım əldə yarım saat gözlədilir.
Banan və badam yağından ibarət maskanı yarım saat gözlətdikdən sonra ilıq su ilə yaxalaya bilərsiniz.
Maskanı ehtiyaclarınıza uyğun olaraq həftədə bir dəfə edə bilərsiniz.
Əlləriniz üçün badam yağı və banandan ibarət olan bu maska həm nəmlik, həm də canlılıq verir.
Xüsusilə, zamanla günəşin təsiri ilə əllərdə yaranan ləkələr heç də xoş görünüşə malik deyil. Həm əllərinizin rəngini açmaq, həm də sağlam görünmək üçün kokos yağından istifadə edə bilərsiniz.
Yarım xörək qaşığı kokos yağı və 1 çay qaşığı balı bir qabda qarışdırın.
Qarışıq məhsulları əllərinizi masaj edərək tətbiq edin!
Bu qarışığı 2 gündən bir əllərinizə çəkə bilərsiniz. Lazım gələrsə, istifadə etdiyiniz əl kremlərinə kokos yağı əlavə edə bilərsiniz.
Səbinə Hüseynli
Bütün xəbərlər Facebook səhifəmizdə
.jpg)
USD
EUR
GBP
RUB
