Novruz bayramı Londonda qeyd olunub

22 Mart 2022 12:35 | 1 776

Londonda yaşayan Azərbaycan icmasının Novruz bayramına həsr olunmuş bayram şənliyi keçirilib. SİA xəbər verir ki, Diasporla İş üzrə Dövlət Komitəsinin dəstəyi, Britaniya Azərbaycanlıları Cəmiyyətinin və azərbaycanlı gənclərin təşkilatçılığı ilə baş tutan tədbirdə diplomatik korpusun əməkdaşları, şəhər merləri, yerli ictimaiyyətin və Azərbaycan icmasının nümayəndələri iştirak ediblər.

Qonaqlar arasında Azərbaycanın Birləşmiş Krallıqdakı fövqəladə və səlahiyyətli səfiri Elin Süleymanov, Lordlar Palatasının üzvü Lord Devid Evans, Londonun Enfild bölgəsinin meri Sabri Özaydın, Hakney bələdiyyə rəsmisi Can Ozşen, məşhur modelyer Zeynəb Kartal və başqaları olub.

Tədbirdə çıxış edən səfir Elin Süleymanov, Diasporla İş üzrə Dövlət Komitəsinin şöbə müdiri Səlhət Abbasova, modelyer Zeynəb Kartal və başqaları dünya azərbaycanlılarını və türk dünyasını Novruz bayramı münasibətilə təbrik ediblər, sülh, nikbinlik və barış rəmzinə çevrilmiş qədim və ənənəvi bayramın xalqımızın və türk dünyasının həyatında rolundan danışıblar.

Tədbir zamanı Lord Evansa “Karabakh ”, Sabri Özaydına isə “Azerbaijani Carpets” kitabları təqdim olunub.

“Qarabağ uşaqları” uşaq xorunun milli geyimli ifaçılarının Novruz bayramına həsr olunmuş maraqlı və şən musiqi kompozosiyası ilə davam edən tədbir tamaşaçılar tərəfindən alqışlarla qarşılanıb. Qeyd edək ki, bu xor onlayn formatda fəaliyyət göstərən “Qarabağ” Azərbaycan məktəbində yaradılıb. Diasporla İş üzrə Dövlət Komitəsinin dəstəyi ilə Londonda fəaliyyət göstərən məktəbdə Azərbaycan dili, ədəbiyyatı, tarixi, rəqs və musiqi dərsləri tədris edilir. Çıxışdan sonra Lord Evans tələbələrə Novruz şənliyində iştirak etdikləri üçün sertifikat təqdim edib.

Bədii hissədə xalq artisti Fidan Hacıyeva əfsanəvi bəstəkar-müğənni Müslüm Maqomayevun “Azərbaycan” əsərini və xalq mahnılarını ifa edib. Musiqi gecəsi Rasim Fərziyevin rəhbərlik etdiyi ansamblın çıxışı ilə yekunlaşıb.

WhatsApp-da Səs Media Qrupu kanalını izləyin

Bütün xəbərlər Facebook səhifəmizdə

USD 1,7000 0,00%
EUR 1,9067 +0,06%
GBP 2,2514 -0,24%
RUB 2,0148 -0,75%

Səs TV qaynar xətt: +(994 55) 699-88-81, +(994 12) 598-33-90, sesmediaqrup@gmail.com

2008-2026. Səs İnformasiya Agentliyi, Bütün hüquqlar qorunur. Məlumatlardan istifadə etdikdə istinad mütləqdir.
İfadə olunan fikirlərə sayt məsuliyyət daşımır.
Ünvan: Üzeyir Hacıbəyli küçəsi, 66; Bakı, Azərbaycan.
Email: [email protected] Tel.: (+994 12) 598-33-90; Faks: (+994 12) 493-11-62;

Qaynar Xəbərlər

Novruz bayramı Londonda qeyd olunub

Digər xəbərlər

SƏSTV-də bugün

Xəbər lenti

Özəl xəbərlər

Redaktorun seçimi

Köşə yazıları

Populyar

Valyuta məzənnəsi