Ukrayna Prezidenti Volodimir Zelenski Zaporojye AES-də başlayan yanğınla bağlı Avropa liderlərinə müraciət edib.
SİA-nın UNİAN-a istinadla xəbərinə görə, müraciət dövlət başçısının Teleqram kanalında yerləşdirilib.
“Avropalılar, yuxudan ayılın. Avropanın ən böyük AES-i yanır. Burada 6 enerji bloku var. Çernobılda cəmi 1 blok partlamışdı. Ukraynada 15 atom enerji bloku var. Burada partlayış avropanın sonu ola bilər”, - deyə Ukrayna lideri bildirib.
Zelenski hadisə ilə əlaqədar Şarl Mişel, Olaf Şolts, Anjey Duda, Boris Conson və AEBA-nın rəhbəri Rafael Qrossi ilə əlaqə saxlayıb.
Bütün xəbərlər Facebook səhifəmizdə
USD
EUR
GBP
RUB