Rusiyanın xarici işlər naziri Sergey Lavrov Ukraynanı işğal etmək planlarının olmadığını bildirib.
Lavrov paytaxt Moskvada qondarma Luqansk Xalq Respublikasının xarici işlər naziri Vladislav Deyneqo və qondarma Donetsk Xalq Respublikasının xarici işlər nazirinin müavini Sergey Peresada ilə görüşüb.
Ukrayna rejimini dəstəkləyən Qərbin “Kiyevin mülki əhaliyə qarşı törətdiyi hərbi cinayətlərə” göz yumduğunu bildirən Lavrov deyib:
“Qərbin və Ukraynanın hərəkətləri Ukraynanı faciəyə sürükləyib”.
SİA-nın əldə etdiyi məlumata görə, NATO və Avropa Birliyinin son həftələrdə güc tətbiq edərək LXR və DXR-ni ələ keçirməyə çalışdıqlarını açıqlayan Lavrov bu zaman Kiyevi qoruduqlarını bildirib.
Lavrov "Rəsmi Kiyev Ukraynanın NATO-ya daxil olmasından başqa alternativ olmadığını söyləyib nüvə silahı əldə etməklə hədələdi. Bu halda biz (DXR və LXRC-nin) yardım istəyinə laqeyd qala bilməzdik. Müttəfiqliq öhdəliklərimiz çərçivəsində Rusiya prezidenti Vladimir Putin Ukraynanın militarizm və nasizmdən təmizlənməsi, beləliklə də ukraynalıların bu zülmdən xilas olub öz gələcəklərini azad şəkildə təyin edə bilməsi üçün əməliyyat qərarına gəldi" deyib.
Ukrayna prezidenti Vladimir Zelenskinin Rusiyanın danışıqları rədd etməsi ilə bağlı yalan danışdığını, Normandiya danışıqlarında qəbul edilən qərarların həyata keçirilməsi istiqamətində çalışmaq istəmədiyini ifadə edən Lavrov Ukraynanı işğal etməyi planlaşdırmadıqlarını bildirib.
Ukraynadakı hazırkı hakimiyyətin demokratik olduğunu qəbul etmələrinin mümkün olmadığını bildirən Rusiya naziri Lavrov
"İndiki hökumət kənardan gətirilib. Rusiya Ukrayna xalqının müstəqil olmasını istəyir" deyib.
Lavrov onu da əlavə edib ki, Ukrayna ordusu döyüşləri dayandırarsa, biz görüşməyə hazırıq. Ukrayna xalqına hücum etməyi planlaşdırmırıq. Biz neonasistlərin Ukraynanı idarə etməsini istəmirik.
Bütün xəbərlər Facebook səhifəmizdə
USD
EUR
GBP
RUB