Kosta-Rikada keçirilən prezident seçkilərinin birinci turunda namizədlərdən heç biri kifayət qədər səs toplaya bilmədiyi üçün ikinci tur keçirilicək. SİA bu barədə rus mətbuatına istinad edir.
Ölkənin Ali seçki tribunalı ilk turda keçmiş prezident Jose Maria Figueres-in 27,4 faiz, Sosial Demokrat Tərəqqi Partiyasının namizədi iqtisadçı Rodriqo Çaves 16,7 faiz, jurnalist Fabricio Alvarado isə 15,4 faiz səs topladığını bildirib.
Kosta Rikada 25 namizədin yarışdığı seçkidə ilk turda ən çox səs toplayan Figueres və Çaves aprelin 3-də keçiriləcək ikinci turunda yarışacaq.
Kosta-Rikanın seçki qanunvericiliyinə görə, namizəd birinci turda prezidentliyə qalib gəlmək üçün ən azı 40 faiz səs toplamalıdır. Ölkədə seçkilərdə qalib gələcək namizəd 2022-ci il mayın 8-də 4 il müddətinə səlahiyyətlərinin icrasına başlayacaq.
Bütün xəbərlər Facebook səhifəmizdə
USD
EUR
GBP
RUB