Türkiyə Prezidenti Administrasiyasının Kommunikasiya İdarəsinin rəhbəri Fahrettin Altun Türkiyənin həm Ukrayna, həm də Rusiya ilə yaxşı münasibətlərə sahib olduğuna diqqət çəkib. SİA bu barədə Türkiyə mətbuatına istinad edir.
O, “İki ölkə ilə yaxın dialoqumuzdan faydalanaraq, tərəflər istəyəcəyi təqdirdə, onlar arasında dialoqun və sülhün bərpası üçün üzərimizə düşəni etməyə hazırıq” deyib.
Fahrettin Altun Prezident Rəcəb Tayyib Ərdoğanın Ukrayna səfəri ilə bağlı "Bloomberg"ə bəyanat verib.
Altun Türkiyənin Ukrayna-Rusiya böhranında vasitəçilik səyləri ilə bağlı deyib ki, bu məsələ ilə bağlı həmsöhbətlərimizin
göstərdiyi qarşılıqlı səyləri konkret həll yolu tapılmayana qədər ictimaiyyətlə paylaşmırıq. Türkiyə olaraq məsələ ilə bağlı xoş niyyətimizin aydın olduğunu iki tərəf də bilir".
Türkiyənin həm Ukrayna, həm də Rusiya ilə qarşılıqlı hörmət və ortaq maraqlara xidmət edən əməkdaşlıq qurduğuna diqqət çəkən Fahrettin Altun "İki ölkə ilə sıx dialoqumuzdan istifadə edərək, tərəflər istəsələr, onlar arasında dialoqun və sülhün bərpası üçün üzərimizə düşəni etməyə hazırıq. Vasitəçilik, yardım və ya danışıqlara ev sahibliyi də daxil olmaqla, bütün variantları təklif edirik" ifadələrdən istifadə edib.
Rusiya və Ukrayna ilə əlaqələrin bir-birinə alternativ olmadığını vurğulayan Altun əməkdaşlığın da üçüncü tərəflərə qarşı olmadığını bildirdi.
Bütün xəbərlər Facebook səhifəmizdə
USD
EUR
GBP
RUB