Rusiyanın xarici işlər naziri Sergey Lavrov Ukrayna ilə müharibə etmək istəmədiklərini bildirərək, "Əgər bu, Rusiyadan asılı olsa, müharibə olmayacaq” deyib.
SİA-nın əldə etdiyi məlumata görə, Lavrov Rusiya radiolarına verdiyi müsahibədə Rusiya ilə ABŞ arasında yaşanan gərginliklə bağlı açıqlamalar verib.
ABŞ və NATO-dan təhlükəsizlik təkliflərinə yazılı cavab aldıqlarına diqqət çəkən Lavrov bu cavablarda ikinci dərəcəli məsələlərlə bağlı rasional faktların olduğunu bildirib.
Rusiya Prezidenti Vladimir Putinin Avropa və digər regionlarda orta və yaxın mənzilli raketlərin yerləşdirilməsinə dair “moratorium” təklif etdiyini xatırladan Lavrov deyib:
"Bu, cavablarda yer alıb. Təlimlərin hər iki tərəfin sərhədlərindən uzaqda keçirilməsi, döyüş təyyarələri ilə gəmilər arasındakı məsafə, münaqişə və gərginliyin azaldılması və etimadın möhkəmləndirilməsi ilə bağlı tədbirlərə dair təkliflərimiz də var. Bütün bunlar son 2-3 ildə rədd edilib. İndi isə bütün bunlarla məsləhətləşmək təklif olunur”.
Rusiya və ABŞ və NATO arasında müxtəlif təhlükəsizlik təminatları təklifləri ilə bağlı danışıqların yekunlaşmadığını qeyd edən Lavrov bir neçə həftə ərzində bu məsələ ilə bağlı Rusiya-Amerika görüşünün keçiriləcəyi barədə məlumatı paylaşıb.
Rusiya ilə Ukrayna arasında müharibə ehtimalını da dəyərləndirən nazir Lavrov deyib:
"Rusiyadan asılı olsa, müharibə olmayacaq. Biz müharibə istəmirik. Amma maraqlarımızın tapdalanmasına və diqqətdən kənarda qalmasına imkan verməyəcəyik".
Bütün xəbərlər Facebook səhifəmizdə
USD
EUR
GBP
RUB
