ABŞ-dan yeni hərbi yardımın ilk partiyası çatdırılıb UKRAYNAYA

ABŞ-ın yeni hərbi yardımının ilk partiyası Ukraynaya gəlib. SİA xəbər verir ki, bu barədə ABŞ-ın Kiyevdəki səfirliyi məlumat yayıb.

"Prezident (ABŞ) Co Baydenin bu yaxınlarda Ukraynaya göndərmək qərarına gəldiyi ilk yardım partiyası gecə saatlarında Ukraynaya çatıb. Bu yükə Ukrayna cəbhə xəttinin müdafiəçiləri üçün döyüş sursatı da daxil olmaqla, təxminən 200 min funt-sterlinq (90,7 ton) öldürücü silah daxildir."deyə səfirliyin Twitter səhifəsində qeyd olunub.

Qeyd edək ki, ABŞ Dövlət Departamentinin sözçüsü jurnalistlərə bildirib ki, ABŞ Ukraynaya yeni hərbi yardım göndərməyə davam etmək niyyətindədir və gələcək həftələrdə əlavə çatdırılma gözlənilir. Moskva dəfələrlə Vaşinqtonu Kiyevə silah tədarükünü dayandırmağa çağırıb.

Xatırladaq lo, Donbassdakı təmas xəttindəki vəziyyət Rusiyanı ciddi narahat edir. Bir neçə aydır ki, Moskva Kiyevin ağır silah və qüvvələri ora çəkməsini qeydə alır. Moskva istisna etmir ki, Ukrayna hakimiyyəti Kiyevə silah “doldurmaqda” və hərbi təlimatçılar göndərməkdə davam edən Qərb dövlətlərinin razılığı ilə cənub-şərqdəki münaqişənin güc yolu ilə həlli planları hazırlayır. Bundan əlavə, Kiyev təmas qrupunda işləməyi əngəlləyir, özünü elan edən Donetsk və Luqansk Xalq Respublikaları ilə birbaşa dialoqdan imtina edir, Minsk razılaşmalarına birbaşa zidd olan qanun layihələri - məsələn, keçid dövrü haqqında qanun layihəsi hazırlayır.

Müəllif: İnam Hacıyev

Bütün xəbərlər Facebook səhifəmizdə

loading...