Conson istefa verə bilər BAŞ NAZİR POSTUNDAN

Britaniya Mühafizəkarlar Partiyasında karantinlər zamanı Dauninq-stritdəki partiyalarla bağlı vəziyyətlə əlaqədar aparılan araşdırmanın nəticələri partiya lideri Boris Consona etimadsızlıq səsverməsinə və onun baş nazir postundan istefaya getməsinə səbəb ola bilər. SİA xəbər verir ki, bu sözləri Aİ-nin yüksək vəzifəli dövlət qulluqçusu və Britaniya siyasəti üzrə ekspert Frensis Con Koul deyib.

"Mövcud vəziyyət Boris Conson üçün çox pisdir. Bunun bir çox səbəbi var, amma ən pisi, yəqin ki, o, deputat və yüksək vəzifəli dövlət qulluqçusu Sue Grey-in rəhbərlik etdiyi Mühafizəkarlar Partiyası daxilində daxili təhqiqata razı olmasıdır. Boris yəqin ki, istintaqdan üzü ağ çıxmayacaq. O, yalan danışmaqda ittiham olunur. Son bir neçə gündə o, kraliçaya üzrxahlığını təqdim edəndə az qala ağlayacaqdı. Deyəsən, o, vəziyyət üzərində nəzarəti itirib", deyə Koul bildirib.

Onun sözlərinə görə, Böyük Britaniyanın Mühafizəkarlar Partiyası daxili qaydalarında kifayət qədər arxaikdir və onlardan biri odur ki, Mühafizəkar deputatlar tərəfindən göndərilən yalnız 54 məktub (onların sayı 300-dən çoxdur) daxili araşdırmaya səbəb ola bilər və buna nail olunub.

“Gözlənilir ki, (istintaqın nəticəsi - red.) partiya lideri Boris Consona etimadsızlıq səsverməsi olacaq, o, daha sonra partiya lideri kimi və avtomatik olaraq baş nazir postunu tərk etməlidir, ona görə də yaxın gələcək üçün Baş nazir postu kifayət qədər qaranlıqdır”, deyə ekspert qeyd edib.

Müəllif: İnam Hacıyev

Bütün xəbərlər Facebook səhifəmizdə

loading...