KTMT qüvvələrinin və sülhməramlıların hərbçilərinin olduğu son 4 hərbi nəqliyyat təyyarəsi Qazaxıstandan Rusiyaya uçub. SİA xəbər verir ki, bu barədə Rusiya Müdafiə Nazirliyi məlumat yayıb.
"Rusiya hərbi-nəqliyyat aviasiyasının göyərtəsində sülhməramlıların olduğu 4 təyyarə Qazaxıstan Respublikasının Nur-Sultan və Almatı hava limanlarından havaya qalxıb", deyə nazirliyin məlumatında qeyd olunur.
Qeyd olunduğu kimi, bu təyyarələrdə sülhməramlıların son bölmələri və general-polkovnik Andrey Serdyukovun rəhbərlik etdiyi sülhməramlı kontingentin komandanlığı Rusiyaya qayıdıb.
Müəllif: İnam Hacıyev
Bütün xəbərlər Facebook səhifəmizdə