Konqoda terror aktı törədilib, 10 nəfər ölüb

Konqo Demokratik Respublikasının (KDR) şərqində yerləşən İturi əyalətində qiyamçıların həyata keçirdikləri hücumu nəticəsində dinc əhalidən 10 nəfər ölüb.

SİA xəbər verir ki, Milli KİV-in məlumatına görə, Konqonun İnkişafı üçün Alyans adlı qiyamçı qruplaşmanın İturi əyalətinin Kokonyanqe şəhərində törətdiyi terror aktında 10 nəfər həlak olub.

Məlumata görə uzun müddətdir münaqişənin davam etdiyi ərazidə KDR və Uqanda ordusu 30 noyabr 2021-ci ildən bəri qiyamçılara qarşı birgə əməliyyatlar həyata keçirir. 2014-cü ildən bəri ölkənin şərqində fəaliyyət göstərən qiyamçıların hücumları nəticəsində ən azı 7000 mülki şəxsin öldüyü təxmin edilir. Ölkənin şərq əraziləri 20 ildir qızıl və kobalt kimi mədənlərə nəzarət etməyə çalışan silahlı qrupların hücumlarına və qarşıdurmalarına səhnə olur.

Bütün xəbərlər Facebook səhifəmizdə

loading...