İran son 4 ayda Əfqanıstandan 800 min mühacirin ölkəyə daxil olduğunu açıqlayıb.
SİA xəbər verir ki, İran Xarici İşlər Nazirliyindən verilən yazılı açıqlamaya görə, xarici işlər naziri Hüseyn Əmir Abdullahiyan norveçli həmkarı Aniken Hoytfeld ilə telefon danışığında Əfqanıstan və Yəməndəki humanitar böhran və nüvə danışıqlarını müzakirə edib.
Soyuqların başlaması ilə İrana daxil olan əfqan mühacirlərin sayının artdığını qeyd edən Abdullahiyan deyib:
"Hər gün 5 min əfqan İran sərhədinə gəlir. Son 4 ayda Əfqanıstandan İrana 800 min mühacir gəlib. Evlərindən didərgin düşmüş bu insanlara yardımların çatdırılması üçün səy göstəririk".
Abdullahiyan Norveçdən humanitar yardımı ehtiyacı olanlara quru və hava yolu ilə çatdıra biləcəklərini bildirib.
Avstriyanın paytaxtı Vyanada keçirilən nüvə danışıqlarına toxunan Abdullahiyan ümumi tendensiyanın müsbət olduğunu bildirib.
"Qarşı tərəf (Rusiya, Çin, İngiltərə, Fransa və Almaniya) nüvə sazişindəki öhdəliklərinə tam şəkildə qayıtsa, İran da qayıdacaq. Qərb ölkələri xoş niyyətlərini təkcə sözlə deyil, həm də əməlləri ilə göstərməlidirlər. Faktiki addımlar atılmalıdır. Sanksiyaların ləğvi və nüvə sazişinə çevrilməsi üçün tədbirlər görülməlidir”-deyə Abdullahiyan vurğulayıb.
Norveç xarici işlər naziri Hoytfeld də yanvar ayında paytaxt Osloda Əfqanıstan və Yəməndəki humanitar böhranla bağlı toplantı keçirəcəklərini bildirib və Abdullahiyanı da görüşə dəvət edib.
Bütün xəbərlər Facebook səhifəmizdə
USD
EUR
GBP
RUB