Birləşmiş Ərəb Əmirlikləri (BƏƏ) ABŞ-dan 23 milyard dollarlıq silahların alınması ilə bağlı razılaşmadan imtina edə bilər.
SİA xəbər verir ki, bu barədə "The Wall Street Journal" qəzeti mənbələrə istinadən xəbər verir.
Mənbələrin sözlərinə görə, buna səbəb ABŞ tərəfinin BƏƏ-yə Çindən uzaqlaşması üçün irəli sürdüyü tələblər ola bilər.
Bildirilir ki, BƏƏ-nin rəhbərliyi ABŞ-ın qoyduğu şərtləri çox ağır hesab edir. Bununla əlaqədar Əbu-Dabi hakimiyyətinin nümayəndələri ABŞ rəhbərliyinə tələblərin ləğv edilmədiyi təqdirdə BƏƏ-nin razılaşmadan çıxacağı ilə bağlı təhdidlərdən ibarət məktub göndəriblər.
Mənbələr ABŞ tərəfinin BƏƏ-dən məktub aldığını təsdiq edib. Eyni zamanda, qəzet razılaşmanın pozulmayacağını və məktubun BƏƏ nümayəndə heyətinin Pentaqonda danışıqlar üçün ABŞ-a səfəri ərəfəsində Əbu-Dabinin strateji gedişi olduğunu istisna etmir.
Daha əvvəl "Bloomberg" bildirib ki, ABŞ BƏƏ-ni təzyiqlərlə dörd il ərzində ölkənin informasiya şəbəkələrində istifadə olunan Çinin "Huawei Technologies" şirkətinin avadanlıq və texnologiyalarından imtina etməyə məcbur edir. Agentliyin mənbələrinə görə, Əbu-Dabi isə Çin məhsullarından imtina üçün daha uzun müddətin verilməsini və alternativ texnologiya olaraq Cənubi Koreya şirkətlərindən birinin texnologiyalarının təmin edilməsini istəyir.
Bütün xəbərlər Facebook səhifəmizdə
USD
EUR
GBP
RUB